Хуыгаты Къостайы фырт Николай у ирон нывгæнæг, райгуырд 1949 азы кæфты мæйы 3-æм бон Хуссар Ирыстоны, Дзауы районы, Хæрдысæры.
Йæ сфæлдыстады хуыздӕрӕн исы сурæт хуыз нывтæ, кусы алыхуызон жанртæ ─ портреттæ, пейзажтæ, натюрморттæ, жанры нывтæ. Йæ куыстытæ сты куыд Тбилисы Республикон музейы, афтæ ма сæрмагонд коллекциты дæр.
Йæ сфæлдыстадон царды фылдæр хай Николай арвыста Сыбыры, Иркутскы облæсты, сахар Свирскы.

Ахуырад

1970-æм азы каст фæци Тугъанты Махарбеджы номыл Цхинвалы нывгæнæн ахуыргæнæндон.
1987 азæй у ССРЦ-ы Нывгæнджыты Цæдисы уæнг (Уӕрӕсейы Нывгæнджыты Цæдисы ─ 1992 азæй).
Цхинвалы Нывгæнæн ахуыргæнæндоны ахуыргæнджытæ:

• Хъотайты Сесейы фырт Григорий
• Санжеровская (Санжаровская) Анастасия Михаилы чызг
• Санахъоты Иосифы фырт Борис.

Хайад иста равдыстыты

• 1979 – Æппæтцæдисон аивадон равдыст «Райгуырæн бæстæйы æрвгъуыз фæндæгтæ», Мæскуы;
• 1982 – Иумæйаг равдыст, Тбилис;
• 1996 – Иумæйаг равдыст, Иркутск;
• 2002 – Иумæйаг равдыст, Черемхово, Иркутскы облæст;
• 2006 – Равдыст «Адæмы уды цæрæг суадæттæ», Свирск, Иркутскы облæст;
• 2010 – 1941-1945 азты Фыдыбæстæйы Стыр хæсты уæлахизы 65 азы кадæн равдыст, Иркутск;
• 2012 – Иумæйаг равдыст, Дзæуджыхъæу, Республикæ Цæгат Ирыстон-Алани;
• 2014 – Чиныг «Ирыстоны нывгæнджытæ (2014)»-йы мыхуыр, Дзæуджыхъæу, Республикæ Цæгат Ирыстон-Алани;
• 2015 – Равдыст «Ирон колорит», Грозный, Цӕцӕны Республикӕ;
• 2019 – Чиныг «Ирыстоны нывгæнджытæ (2019)»-йы мыхуыр, Дзæуджыхъæу, Республикæ Цæгат Ирыстон-Алани;
• 2019 – Салон современного искусства «Art Shopping», Париж.

Иунæг равдыстытæ

• 1975 – Персоналон равдыст, Тюмен;
• 1986 – Персоналон равдыст, Цхинвал, Хуссар Ирыстон;
• 1988 – Персоналон равдыст, Свирск, Иркутскы облӕст.

Æнтыстытæ æмæ хорзæхтæ

• 1997 – Кады грамотæ сахары Свирскы ветераны Совет;
• 2006 – Бузныгад сахар Свирскӕй, Иркутскы облӕстӕй;
• 2010 – Диплом Культурæ æмæ архивы Министрад Иркутскы облæсты;
• 2014 – Бузныгад Нывгæнджыты Цæдис Республикæйы Цæгат Ирыстон-Алани;
• 2015 – Бузныгад Культурæйы Министрад Цæцæны Республикæйы;
• 2019 – Диплом Salon Art Shopping au Carrousel du Louvre, Paris.